Peperduur petrol ‘is regering se skuld’
Hanlie Stadler – Veral die landboubedryf gaan hard geslaan word deur die skerp styging in die dieselprys in Oktober, sê die Outomobiel-Assosiasie (AA).
Volgens Donderdag se syfers wat die Sentrale Energiefonds uitgereik het, kan diesel nou reeds R1,38 per liter duurder word en petrol R1,12 per liter.
Netwerk24 het reeds vroeër die week berig brandstofpryse gaan in die mooiste, mooiste maand met die meeste in drie en ’n half jaar styg en petrol gaan meer as R17 per liter beloop. Diesel gaan baie naby kom aan R16 per liter.
Hierop het lesers mismoedig gereageer en baie het betogings voorspel wat met die Arabiese lente vergelyk sal kan word.
Die AA sê die “kishou” kom danksy die styging in internasionale oliepryse en ’n enorme verswakking van die rand teenoor die dollar.
Die AA sê om dit in perspektief te stel, moet ’n mens besef petrol gaan 20% duurder wees as in Januarie.
Die organisasie glo boere en landbou-ondernemings wat op die oomblik net-net oorleef, sal dalk ondergaan.
Die prysstygings gaan ook die prys van produkte in winkels opjaag.
“Hoewel ons regtig hoop die prentjie verbeter voor maandeinde, doen ons weer ’n beroep op die regering om dringend die beleid en strukturele probleme aan te pak wat motoriste aan die voorste linie geplaas het weens randswakheid.” – Netwerk24
Volgens Donderdag se syfers wat die Sentrale Energiefonds uitgereik het, kan diesel nou reeds R1,38 per liter duurder word en petrol R1,12 per liter.
Netwerk24 het reeds vroeër die week berig brandstofpryse gaan in die mooiste, mooiste maand met die meeste in drie en ’n half jaar styg en petrol gaan meer as R17 per liter beloop. Diesel gaan baie naby kom aan R16 per liter.
Hierop het lesers mismoedig gereageer en baie het betogings voorspel wat met die Arabiese lente vergelyk sal kan word.
Die AA sê die “kishou” kom danksy die styging in internasionale oliepryse en ’n enorme verswakking van die rand teenoor die dollar.
Die AA sê om dit in perspektief te stel, moet ’n mens besef petrol gaan 20% duurder wees as in Januarie.
Die organisasie glo boere en landbou-ondernemings wat op die oomblik net-net oorleef, sal dalk ondergaan.
Die prysstygings gaan ook die prys van produkte in winkels opjaag.
“Hoewel ons regtig hoop die prentjie verbeter voor maandeinde, doen ons weer ’n beroep op die regering om dringend die beleid en strukturele probleme aan te pak wat motoriste aan die voorste linie geplaas het weens randswakheid.” – Netwerk24
Kommentaar
Republikein
Geen kommentaar is op hierdie artikel gelaat nie