Oppas vir dié 'Space Cookies'
Die Namibiese polisie sê koekies of "brownies' wat THC, 'n komponent van dagga bevat en bekendstaan as "Space Cookies", het hul verskyning in verskeie dorpe in die land gemaak. Tot op hede is verdagtes in Windhoek en Katima Mulilo met die koekies vasgetrek, maar volgens die polisie blyk dit dat dit nie net in hierdie dorpe voorkom nie. Die polisie sê 'n 23-jarige man is Maandag omstreeks 14:10 in Pionierspark in Windhoek betrap waar hy dit probeer verkoop het. In sy besit is 103 dagga"brownies" met 'n straatwaarde van N$2 020 gevind. Die koekies word teen N$50 vir een verkoop.
Volgens die polisie kom die koekies in die vorm van 'n hart, vierkant of sirkel voor en het sjokolade en vanieljegeure om veral jong kliënte te lok. Die verkopers se teiken is ook meestal jong mense en skoolkinders. Hulle het 'n beroep op die publiek gedoen om uiters waaksaam te wees en veral hul kinders oor die gevare te waarsku en om nie koekies van vreemdelinge te koop of te aanvaar nie.
Volgens die polisie kom die koekies in die vorm van 'n hart, vierkant of sirkel voor en het sjokolade en vanieljegeure om veral jong kliënte te lok. Die verkopers se teiken is ook meestal jong mense en skoolkinders. Hulle het 'n beroep op die publiek gedoen om uiters waaksaam te wees en veral hul kinders oor die gevare te waarsku en om nie koekies van vreemdelinge te koop of te aanvaar nie.
Kommentaar
Republikein
Geen kommentaar is op hierdie artikel gelaat nie