07 September 2018 | Vervoer

Nóg vyf jaar vir Conrad Lutombi

Die Paaieowerheid (RA) se mnr. Conrad Lutombi is vir 'n tweede termyn van vyf jaar as uitvoerende hoof aangestel.

Dié aankondiging is Woensdag deur dié staatsonderneming se raad gemaak.

Volgens mnr. Brian Katjaerua, raadsvoorsitter, is Lutombi ’n korporatiewe leier met goeie akademiese kwalifikasies en verwysings.

Volgens hom verpersoonlik Lutombi die moderne sakeleier en streef hy voortdurend na verbetering.

“Onder sy leiding het die RA die organisatoriese doelstelling in sy strategiese plan ver oortref,” sê Katjaerua.