150 miljoen meer vroue as mans ly honger in 2021
Verband tussen geslagsongelykheid, voedselonsekerheid
'n Onlangse verslag deur die FAO het aangedui 1,4 miljoen mense kan nie 'n gesonde dieet bekostig nie.
’n Humanitêre organisasie se navorsing het die aandag op ’n wêreldwye verband tussen geslagsongelykheid en voedselonsekerheid gevestig.
Die verslag deur CARE, wat data van 2021 van 109 lande ontleed, toon dat namate voedselsekerheid afneem, geslagsongelykheid toeneem.
“Tussen 2018 en 2021 het die aantal honger vroue teenoor honger mans 8,4 keer gegroei, met ’n verbysterende 150 miljoen meer vroue as mans wat in 2021 honger gely het,” sê me. Christine Campeau, CARE se voorspraakdirekteur van voedselstelsels.
Volgens haar sal die implikasies van die eskalasie van konflik in Oekraïne die situasie verder vir vroue vererger. Dit terwyl vroue ’n kernrol in voedselstelsels en die voeding van hul gesinne en gemeenskappe speel.
“Geslagsgelykheid het ’n sterk skakel met voedsel- en voedingsekerheid op plaaslike, nasionale en wêreldwye vlak. Om dit eenvoudig te stel; hoe meer geslagsongelykheid daar in ’n land is, hoe meer mense is honger en ondervoed,” het sy gesê.
Die verslag lig uit dat selfs wanneer beide mans en vroue tegnies voedselonsekerheid ervaar, staar vroue dikwels groter nagevolge in die gesig.
In die World Bank Gender Data Portal oor kos en vroue hou die enigste geslagspesifieke voedseldata verband met die aantal vroue wat glo (of nie glo nie) dat dit vir ’n man geregverdig is om sy vrou te slaan wanneer sy die kos verbrand.
Campeau het gesê: “Soos vroue aanhou om die wêreld te voed, moet ons hulle die regte ruimte in ons data-insamelingsmetodes en ontledings gee om die tekortkominge wat hulle teëkom te beklemtoon, en met vroue self saamwerk om oplossings vir daardie leemtes te vind. Globale datastelle behoort geslagspesifieke data oor voedsel te publiseer – hetsy die fokus op geslag of voedsel is.
“Dit is tyd om ons wêreldwye begrip van voedselsekuriteit en geslagsongelykheid aan te pas, en plaaslike rolspelers – insluitend vroue-organisasies in kwesbare gemeenskappe – moet die buigsame finansiering en ondersteuning kry wat dringend nodig is om vroue en meisies teen honger-gebaseerde geslagsgeweld en ander risiko’s te beskerm.”
’n Onlangse verslag deur die Verenigde Nasies se Voedsel- en Landbou-organisasie (FAO) het aangedui 1,4 miljoen mense – meer as 56% van die Namibiese bevolking – kan nie ’n gesonde dieet, wat sowat N$55 per persoon per dag kos, bekostig nie.
– [email protected]
Die verslag deur CARE, wat data van 2021 van 109 lande ontleed, toon dat namate voedselsekerheid afneem, geslagsongelykheid toeneem.
“Tussen 2018 en 2021 het die aantal honger vroue teenoor honger mans 8,4 keer gegroei, met ’n verbysterende 150 miljoen meer vroue as mans wat in 2021 honger gely het,” sê me. Christine Campeau, CARE se voorspraakdirekteur van voedselstelsels.
Volgens haar sal die implikasies van die eskalasie van konflik in Oekraïne die situasie verder vir vroue vererger. Dit terwyl vroue ’n kernrol in voedselstelsels en die voeding van hul gesinne en gemeenskappe speel.
“Geslagsgelykheid het ’n sterk skakel met voedsel- en voedingsekerheid op plaaslike, nasionale en wêreldwye vlak. Om dit eenvoudig te stel; hoe meer geslagsongelykheid daar in ’n land is, hoe meer mense is honger en ondervoed,” het sy gesê.
Die verslag lig uit dat selfs wanneer beide mans en vroue tegnies voedselonsekerheid ervaar, staar vroue dikwels groter nagevolge in die gesig.
In die World Bank Gender Data Portal oor kos en vroue hou die enigste geslagspesifieke voedseldata verband met die aantal vroue wat glo (of nie glo nie) dat dit vir ’n man geregverdig is om sy vrou te slaan wanneer sy die kos verbrand.
Campeau het gesê: “Soos vroue aanhou om die wêreld te voed, moet ons hulle die regte ruimte in ons data-insamelingsmetodes en ontledings gee om die tekortkominge wat hulle teëkom te beklemtoon, en met vroue self saamwerk om oplossings vir daardie leemtes te vind. Globale datastelle behoort geslagspesifieke data oor voedsel te publiseer – hetsy die fokus op geslag of voedsel is.
“Dit is tyd om ons wêreldwye begrip van voedselsekuriteit en geslagsongelykheid aan te pas, en plaaslike rolspelers – insluitend vroue-organisasies in kwesbare gemeenskappe – moet die buigsame finansiering en ondersteuning kry wat dringend nodig is om vroue en meisies teen honger-gebaseerde geslagsgeweld en ander risiko’s te beskerm.”
’n Onlangse verslag deur die Verenigde Nasies se Voedsel- en Landbou-organisasie (FAO) het aangedui 1,4 miljoen mense – meer as 56% van die Namibiese bevolking – kan nie ’n gesonde dieet, wat sowat N$55 per persoon per dag kos, bekostig nie.
– [email protected]
Kommentaar
Republikein
Geen kommentaar is op hierdie artikel gelaat nie