DIE Queen Mary 2 het onlangs sy eerste besoek aan die Walvisbaai hawe afgelê.
Met ’n lengte van 345 meter en ’n breedte van 41 m is dit die grootste passasierskip wat tot dusver die hawe binnegegaan het.
Die QM2 kan 3 046 passasiers en 1 253 offisiere en bemanning dra. Sy is tans besig met haar jaarlikse wêreldvaart waarin sy die Atlantiese Oseaan oorsteek.
In hierdie video kan van die QM2 se talle fasiliteite gesien word wat 15 restaurante en kroeë, vyf swembaddens, ’n casino, ’n balsaal en ’n teater insluit.
