Die regte van pa’s en die onmiddellike verwydering van kinders uit die kloue van verwaarlosing het op die voorgrond getree toe Willibard Hangara van Windhoek by die polisie moes gaan aanklop vir hulp om alleentoesig oor sy seun te kry. Williebard en sy ma, Paulina Hangara, het hulle ook oor die seun se halfboetie- en sussie ontferm wat nou tydelik by hulle gehuisves word, totdat die Ministerie van Geslagsgelykheid en Kinderwelsyn hulle as die wettige voogde van die kinders aanstel.
