Desember by Jakkalsputz gekamp

Goeie middag

Ons het Desember by Jakkalsputz gekamp. Die toilette was in 'n vreeslike toestand. Daar was maaiers die hele plek vol, op die vloer, op die toilet...! Die arme mense wat veronderstel was om skoon te maak het slegs 'n kruiwa en 'n emmer gehad waarmee hul kon skoonmaak. Met hierdie 1 kruiwa en emmer moes hul die hele kampeer plek se toilette skoonmaak.

Die ergste van alles is dat dit ons R280 per dag gekos het om daar te kamp. Dit sluit die prys per kampplek in, en die prys per persoon.
Ons kon in Henties kamp vir R240 per aand, met 'n kragpunt, lopende water, en jou eie badkamer.

Die kantoor in Jakkaslputz was net dit. 'n kantoor. Die yskaste was dolleeg. Daar was niks te koop nie. Vir enige iets moes ons in ry Henties toe.

Ons is baie lief vir kamp in Namibia, en kamp omtrent elke 2de jaar by Jakkalsputz, maar ons gaan verseker nooit ooit weer daar kamp terwyl dit so bestuur word nie.

Karlien Kruger-Swart