Blitstoer leer jou van alles wat groen is

BESOEKERS aan die Okahandja Somerfees kan gerus op die Groentoer-trok spring en besoek aflê aan ’n blom-, groente-, olyf- en organiese plaas. Volgens die organiseerders kan toergangers meer te wete kom oor die verskillende tipes gewasse wat op die dorp en in die omgewing verbou word en word ook ’n draai gemaak by ’n waterbotteleringsaanleg op die dorp.

Plekke wat tydens die toer besoek word sluit in:

1000 Olives
 
Eenduisend olyfbome groei dat dit kraak tussen drome van wingerd en wyn

Greenspot Organics
 
Organiese groente en kruie wat floreer in kompos, erdwurms en aardse geheimenisse.

Riverfresh
 
Portugese groen vingers wat al 40 jaar lank die aarde mak maak met wortels & kool.

John Thorburn
 
Lappe van lowergroen lusern en Okahanjda se spesiale water in bottels.

Okuhepa Flowers
 
Okahandja se vrolike, biologiese snyblomplaas met honderde spatsels van kleure en geure.

Bespreek jou plek vir die Groentoer by Manjo Smith of Gina Malgas by info@greenspot.com.na of 062 502 410.

Die koste vir die groento er beloop N$50 per persoon.

Die Groen toer vertrek die volgende tye vanaf die Reit Klub op Okahandja: Vrydag om 10:00 tot 12:30 en weer om 14:00 tot 16:30. Saterdag vertrek die Groentoer om 10:00 tot 12:30 en weer om 14:00 tot 16:30.