‘n Uitruilprogram wat 15 Franse skoliere en drie onderwysers na Namibië gebring het en 15 jong Namibiërs in November na Frankryk gaan neem, is onlangs deur die Franco-Namibiese Kultuursentrum (FNCC) in Windhoek gereël. Die kinders sal by mekaar se families tuisgaan. Dit bied ‘n geleentheid aan beide lande se kinders om meer oor mekaar se kulture en gebruike te leer. Die plaaslike hoërskole wie se leerders aan die projek gaan deelneem is Jan Jonker Afrikaner, Shifidi, A. Shipena, Ella du Plessis en David Bezuidenhout. Die Franse ambassade is die hoofborg van dié projek.