Voorblad op 21 Maart 1990: "Namibië vry"

NAGENOEG 20 000 Namibiërs was in die Onafhanklikheidstadion teenwoordig toe die land 20 jaar gelede op 21 Maart 1990 sy eerste treetjie as onafhanklike land gegee het.

By die geleentheid waar mnr. Sam Nujoma deur die destydse sekretaris-generaal van die Verenigde Volke Organisasie (VVO), dr. Javier Pérez de Cuellar as die eerste President van Namibië ingesweer is, het die duisende toeskouers uitgelate gejuig toe die Suid-Afrikaanse vlag vir die laaste keer gestryk en die Namibiese vlag gehys is.