Rook op horison maak treffende sonsondergang

Windhoek is klaarblyklik die stad van rook en reën hierdie winter. Die wasigheid in die lug die afgelope naweek het vir dramatiese sonsondergange oor die hoofstad gesorg.

Ferdinand Olivier het Vrydagaand die foto van die sonsondergang oor die Christuskerk in Windhoek met sy kamera vasgevang.

Volgens die hoof van noodbestuur van die munisipaliteit van Windhoek, mnr. Raymond Kapia, is die wasigheid in die lug weens rook wat vanaf Botswana oorwaai.

?n Groot veldbrand woed in Botswana naby die Namibiese grens, het hy bevestig.