Stemtempo: brieke vas na 17:00

By stempunte in Oshetu, by die Laerskool Veddersdal , Vyfrandkamp net suid van Okahandja en die dorpsaal in die hartjie van die Tuindorp het die rye kiesers in vandag se tussenverkiesing kort na 18:00 reeds tot dun-dun stroompies afgeneem.

By die dorpsaal het maar net sowat tien mense gewag om hul kruisies te trek – ondanks hoop by alle partye dat daar laataand nog ‘n oplewing in bywoningsyfers sou wee swat deur die dag op die tradisionele swak opkoms van ‘n streekraadverkiesing gedui het.

By die Rock Lodge wes van die dorp was ‘n mobiele span stiptelik om 17:00 op hul poste, met net werkers wat een vir een kom aanmeld het.

Mnr. Ananias Elago, hoofbedryfsbeampte van die Verkiesingskommissie (ECN), het hier gesê dat stemmery op plase baie goed afgeloop het. “Nie ‘n enkele probleem nie,” het hy verseker.