Die nuwe vertroulikheidsfonds-beheerraad wat deur die Prokureursorde van Namibië aangestel is. Voor verskyn mnr. Claus Hinrichsen en adv. Essie Schimming-Chase. Agter staan mnre. Habo Gerdes, adv. Vekuii Rukoro en Charles Bodenstein.
DIE raad van die Prokureursorde van Namibië het onlangs ‘n vertroulikheidsfonds-beheerraad (Fidelity Fund Control Board) aangestel. Die raad wat in terme van Artikel 56 van die Wet op Regspraktisyns, Wet 15 van 1995, aangewys is, bestaan uit mnr.
Claus Hinrichsen, adv. Essie Schimming-Chase (adjunkpresident van die Prokureursorde), mnr. Habo Gerdes, adv. Vekuii Rukoro en die president van die Prokureursorde, mnr. Charles Bodenstein.
Die doel van die vertroulikheidsfonds is om mense wat finansiële skade gely het as gevolg van diefstal of verlies van goedere wat aan ‘n prokureur in die loop van sy praktyk toevertrou is of waar sodanige prokureur as eksekuteur van ‘n boedel opgetree het, te vergoed.
Die Prokureursorde van Namibië onder wie die vertroulikheidsfonds ressorteer, speel ‘n belangrike rol om geld wat aan regspraktisyns in private praktyk toevertrou is, te beskerm.
