Al gehoor van iemand wat ’n reusagtige oopbakvragmotor vir ’n ritstjor aangesien het? Nadat ’n Namibiese vervoerbeampte se Namlish-spelling van “fork lift” onlangs die hele wêreld aan die lag gehad het, het ’n leser van Republikein ’n soortgelyke NaTIS-kostelikheid met die koerant gedeel. Die massiewe vragmotor in die foto hiernaas is naamlik deur die beampte wat ’n padwaardigheidsertifikaat daarvoor moes uitreik, as ’n “ritsmotor/beach buggy” geklassifiseer. Die feit dat NaTIS se eie rekords sê dit is ’n “voorspanmotor,” het hom kwansuis min geskeel.
