’n TIENERJARIGE hoërskoolmeisie is net voor die middag dood ná sy vanoggend naby die Sekondêre Skool Dawid Bezuidenhout in Khomasdal wreed aangeval is.
Na wat verneem word, is Magdalena Stoffels (graad 11) verkrag en met ‘n gebreekte bottel gesteek. Sy is na die Katutura hospitaal geneem, maar sy het aan haar wonde beswyk.
Die verdagte in die wrede voorval is in hegtenis geneem en daarna ook na die Katutura hospitaal geneem vir behandeling.
’n Luidrugtige en woedende groep inwoners van die gebied het kort na die nuus van die voorval rugbaar geword het, by die hospitaal saamgedrom. Hulle het geprotesteer oor die voorval en die klaarblyklike voorkeurbehandeling wat die verdagte ontvang het.
Estelle de Bruyn was op die toneel en het dié video opname gemaak.
