Die Gurirab-familie van Windhoek en nabygeleë dorpe kom môre in groot getalle vir die eerste keer in die hoofstad byeen vir die 60ste verjaarsdagvieringe van beide pastoor Gotthard Gurirab en sy eggenote, me. Franziska Guriras. “Ons wil môre die Here se onafgebroke seën deur middel van sy genade vier,” het pastoor Gurirab vertel. Die familie gaan om 16:00 in die Khomasdal gemeenskapsaal bymekaar kom. Die Gurirab-familie is een van die grootste families in die land met hul hoofsetel op Okombahe. Dit is ook die enigste familie wie se nasate almal van Okombahe afkomstig is en wat as die !Oe-#gân (Erongo Damaras) bekendstaan.
