Jagger weer in dorpsraad

MNR. Benjamin Jagger is terug op Rehoboth se dorpsraad na ‘n besluit in die verband deur die bestuurskomitee van die Congress of Democrats (CoD).

Die CoD het in Junie besluit om mnr. Jagger aan die dorpsraad te onttrek midde mediaberigte van wydverspreide korrupsie waarby Rehoboth se dorpsraad betrokke is, luidens ’n verklaring deur die visepresident van die CoD, mnr. Alfred Chilinda.

Hy vertel dat die CoD destyds gevra het dat Swapo die Rehoboth-dorpsraad moet ontbind en nuwe verkiesings vra. Aangesien Swapo die versoek geïgnoreer het, het die CoD besluit dit dien geen doel as sy verteenwoordiger op die raad steeds onttrek is nie.

Die CoD het reeds ‘n brief aan die waarnemende hoof uitvoerende beampte van die dorpsraad geskryf om hom oor die heraanstelling van mnr. Jagger in te lig.