20.03.2010 Hooggeplaastes hier vir 20ste fees
 President Jacob Zuma van Suid-Afrika kom by die Internasionale Lughawe Hosea Kutako aan net voor sondonder.
DIE ou aankomsaal by die Internasionale Lughawe Hosea Kutako buite die hoofstad is spesiaal ingerig en die rooi tapyt is uitgerol om verskeie staatshoofde en ander diplomate te verwelkom met hul besoek aan Namibië.
Dié eregaste kom deel in die 20ste onafhanklikheidsvieringe en fotograwe by die lughawe het bont gestaan om die oomblikke op kamera vas te lê.
Die spesiale besoekers sluit onder meer in die voormalige president van Nigerië, dr. Olusegun Obasanjo; me. Zanele Mbeki, vrou van die voormalige Suid-Afrikaanse president, mnr. Thabo Mbeki; mnr. Dali Tambo, seun van Oliver Tambo (‘n voormalige en afgesterwe president van die African National Congress, of te wel die ANC van Suid-Afrika; die president van Mosambiek, mnr. Armando Guebuza; Zimbabwe se president, mnr. Robert Mugabe; en die president van Suid-Afrika, mnr. Jacob Zuma.
Aan sekuriteit was daar nie 'n tekort nie en lede van die Windhoekse Stadspolisie en die Namibiese Weermag was elke paar kilometer langs die pad te bespeur. Op die lughawe self het lede van die Namibiese Polisie en sekuriteitswagte verseker dat die geleentheid glad verloop.
Floris van Schouwenburg het die hooggeplaastes afgeneem.
Klik op die foto om die fotogallery te vertoon.
In die gallery sal jy na die volgende of die vorige foto's kan aanbeweeg deur in die linker- of die regterkant van die foto te klik. Alternatiewelik kan jy die sleutel "T" gebruik vir terug, "V" vir vorentoe of "M" om die fotovenster toe te maak.
|
