Me. Katrina Hanse-Himarwa
“IS nie ’n druppel bloed van my nie,” sê die Hardap-goewerneur, me. Katrina Hanse-Himarwa, oor beweringe dat mnr. Simon Dukuleni, ’n geskorste lid van die Jeugliga op Mariental, glo aan haar verwant is.
Me. Hanse-Himarwa wou dit ook op rekord plaas dat mnr. Jan Johannes Herero, wat saam met mnr. Dukuleni geskors is, nie haar persoonlike assistent is nie, maar as adjunkdirekteur van landelike dienste vir die Hardap-streek werk. Haar persoonlike sekretaris is mnr. Steve Owambo.
