Dozi en Nianell (foto) kuier op die oomblik in Namibië om te spog met hul duet-album, It takes two, wat onlangs bekendgestel is. Daarmee gepaard gaan konserte op Stampriet, Tsumeb, Walvisbaai en in Windhoek.
“Die album is die perfekte vermenging van koffie en room,” sê Nianell. “Ons stemme komplementeer mekaar en omdat ons soveel pret in die ateljee gehad het, gee dit nuwe lewe aan liedjies wat musiekliefhebbers al jare lank ken.”
Hulle was gisteraand by die Privaatskool Elnatan (063 260 079) te sien, vanaand in die Ensemble-teater op Tsumeb (081 127 4234), Vrydag in die Walvisbaai-stadsaal (064 206 401) en Saterdag by Windhoek Gimnasium.
