Die St. Benedict Gasvryheidskool op Oshikuku in die Omusati-streek het onlangs sy eerste diplomaplegtigheid gehou waartydens 21 studente na twintig maande se opleiding diplomas ontvang het. Nog 31 studente het na twaalf maande se studies in ’n verskeidenheid vakke sertifikate ontvang. Die kursusse wat deur Rooms-Katolieke OSB-susters aangebied word, sluit onder meer gasvryheid, spyseniering, die reis- en toeristebedryf, Engels en Afrikaans in.