DIE brandstofprys daal vannag om een minuut ná middernag vir die sesde agtereenvolgende keer. Petrol word met 70 sent per liter goedkoper, terwyl die dieselprys met N$1,10 per liter sak. Loodvrye petrol kos dan N$5,67 per liter op Walvisbaai en loodvervangingspetrol N$5,63 per liter.
Diesel word teen N$7 per liter verkoop. Die Minister van Myne en Energie, mnr. Erkki Nghimtina (foto), het die verlaging toegeskryf aan die wêreld se ekonomiese krisis en die druk wat dit op ruoliepryse plaas. In Desember was die gemiddelde prys per vat US$40.
Minister Nghimtina het gesê die Regering wil graag die voordeel van die oorverhaling aan die verbruiker deurgee. Hy het egter gewaarsku dat oliepryse sal bly skommel en dus fyn dopgehou sal word om te keer dat dit die ekonomie nadelig beïnvloed.
