Skoolseuns begin seisoen op regte noot
Krieket
Van Namibië se beste junior spelers kry van môre af tot 30 Augustus in Windhoek die kans om hul talent by die vierde jaarlikse o.19-Momentum krieketweek aan die keurders ten toon te stel.
Sodra die amptelike opening môre by Wanderers afgehandel is, sal die eerste bal om 13:00 geboul word tussen Affies en Windhoek Gimnasium opneem.
Terselfdertyd sal Walvisbaai en ’n Plattelandse span by die United-veld op die veld stap.
Die finale word volgende Dinsdag afgehandel en sal in die T20-formaat gespeel word. In die tussentyd word wedstryde beide in T20- en in die vyftig boulbeurt weergawes beslis.
Windhoek Gimnasium het verlede jaar die titel teen Affies gebuit en is daarop uit om sy kroon te verdedig. Met vier o.19 Wêreldspelers soos Niko Davin, Lo-han Lourens, Charl Brits en Eben van Wyk in sy geledere – en selfs sonder Chrischen Olivier wat tans nog op die rugbyveld gefokus is – lyk dit beslis of Gim die span is om te klop.
Nog ’n titel vir Gim is waarskynlik te wagte en so vroeg in die nuwe seisoen sal die ander spanne hul storie moet ken om die kampioen opdraande te gee.
Walvisbaai en WHS kan nie onderskat word nie, want junior spelers soos Burton Jacobs, Petrus Burger (Walvisbaai) en Warren van Wyk (WHS) kan van die voorpunt af hul spanmaats aanspoor met die ondervinding wat hulle met vanjaar se o.19 Wêreldbeker in Bangladesj opgedoen het.
Ontluikende spelers soos Albert van der Merwe en Damian da Silva (WHS), Marnus Steenkamp, Keanu Engelbrecht, Floris Steenkamp, Dewalt Nel en René Were (Affies), Ben Shikongo en Mauritius Ngupita (kus) en Tiaan Jacobs (Gobabis) sal graag naam wil maak en die oog van die keurders vang. Wedstryde behoort dus ’n goeie vlak van mededinging en opwinding te lewer.
“Steven Berry, ontwikkelingsbestuurder van Krieket Namibië, het die spelers verwelkom en aan die seuns gesê om die kans met beide hande aan te gryp.
“Ek verwelkom julle namens Krieket Namibië by die vierde jaarlikse Momentum krieketweek waar ons die land se beste spelers en skole byeen bring. Dié kompetisie het die afgelope paar jaar die trappie geword waar spelers hulself kan bewys om op junior nasionale vlak te speel en dan later tot senior vlak te vorder. Manne soos Gerhard Erasmus, JJ Smit, Michau du Preez en Zane Green het in die toernooi gespeel en Namibië op beide junior en senior vlak verteenwoordig.
“Ons is opgewonde en sien uit daarna om nuwe talent te ontgin,” het Berry gesê.
“Julle moet in gedagte hou dat die 2018 onder 19 Wêreldbeker in Nieu-Seeland aangebied gaan word en dat Namibië reeds outomaties gekwalifiseer het. Die keurders sal julle dus met valkoë dophou om die beste moontlike groep saam te stel wat Namibië later kan verteenwoordig,” het Berry benadruk.
Die wedstrydprogram:
Vrydag
10:00 Openingseremonie by Wanderers Lapa.
13:00 T20-wedstryde: WAP tn Windhoek Gim (WAP-veld); Walvisbaai tn Platteland XI (United-veld); WHS loslootjie.
Saterdag (50-boulbeurt wedstryde)
09:00 WAP tn Walvis (CCD-veld); WHS tn Windhoek Gim (United-veld); Platteland XI loslootjie.
Sondag (T20-wedstryde, twee)
09:00 WAP tn WHS (WAP-veld); Platteland XI tn Whk Gim (CCD-veld); Walvisbaai loslootjie.
13:30 WAP tn Platteland XI (WAP-veld); Walvisbaai tn WHS (CCD-veld); Windhoek Gim loslootjie.
Maandag (50-boulbeurt wedstryde)
09:00 Walvisbaai tn Windhoek Gim (United-veld); WHS tn Platteland XI CCD-veld); WAP loslootjie.
Dinsdag (T20-wedstryd)
09:00 Finaal, Eerste tn Tweede (WAP-veld); Bronsfinaal, Derde tn Vierde (United-veld); Vyfde het loslootjie. Prysuitdeling om 13:00 by Wanderers-veld.
Sodra die amptelike opening môre by Wanderers afgehandel is, sal die eerste bal om 13:00 geboul word tussen Affies en Windhoek Gimnasium opneem.
Terselfdertyd sal Walvisbaai en ’n Plattelandse span by die United-veld op die veld stap.
Die finale word volgende Dinsdag afgehandel en sal in die T20-formaat gespeel word. In die tussentyd word wedstryde beide in T20- en in die vyftig boulbeurt weergawes beslis.
Windhoek Gimnasium het verlede jaar die titel teen Affies gebuit en is daarop uit om sy kroon te verdedig. Met vier o.19 Wêreldspelers soos Niko Davin, Lo-han Lourens, Charl Brits en Eben van Wyk in sy geledere – en selfs sonder Chrischen Olivier wat tans nog op die rugbyveld gefokus is – lyk dit beslis of Gim die span is om te klop.
Nog ’n titel vir Gim is waarskynlik te wagte en so vroeg in die nuwe seisoen sal die ander spanne hul storie moet ken om die kampioen opdraande te gee.
Walvisbaai en WHS kan nie onderskat word nie, want junior spelers soos Burton Jacobs, Petrus Burger (Walvisbaai) en Warren van Wyk (WHS) kan van die voorpunt af hul spanmaats aanspoor met die ondervinding wat hulle met vanjaar se o.19 Wêreldbeker in Bangladesj opgedoen het.
Ontluikende spelers soos Albert van der Merwe en Damian da Silva (WHS), Marnus Steenkamp, Keanu Engelbrecht, Floris Steenkamp, Dewalt Nel en René Were (Affies), Ben Shikongo en Mauritius Ngupita (kus) en Tiaan Jacobs (Gobabis) sal graag naam wil maak en die oog van die keurders vang. Wedstryde behoort dus ’n goeie vlak van mededinging en opwinding te lewer.
“Steven Berry, ontwikkelingsbestuurder van Krieket Namibië, het die spelers verwelkom en aan die seuns gesê om die kans met beide hande aan te gryp.
“Ek verwelkom julle namens Krieket Namibië by die vierde jaarlikse Momentum krieketweek waar ons die land se beste spelers en skole byeen bring. Dié kompetisie het die afgelope paar jaar die trappie geword waar spelers hulself kan bewys om op junior nasionale vlak te speel en dan later tot senior vlak te vorder. Manne soos Gerhard Erasmus, JJ Smit, Michau du Preez en Zane Green het in die toernooi gespeel en Namibië op beide junior en senior vlak verteenwoordig.
“Ons is opgewonde en sien uit daarna om nuwe talent te ontgin,” het Berry gesê.
“Julle moet in gedagte hou dat die 2018 onder 19 Wêreldbeker in Nieu-Seeland aangebied gaan word en dat Namibië reeds outomaties gekwalifiseer het. Die keurders sal julle dus met valkoë dophou om die beste moontlike groep saam te stel wat Namibië later kan verteenwoordig,” het Berry benadruk.
Die wedstrydprogram:
Vrydag
10:00 Openingseremonie by Wanderers Lapa.
13:00 T20-wedstryde: WAP tn Windhoek Gim (WAP-veld); Walvisbaai tn Platteland XI (United-veld); WHS loslootjie.
Saterdag (50-boulbeurt wedstryde)
09:00 WAP tn Walvis (CCD-veld); WHS tn Windhoek Gim (United-veld); Platteland XI loslootjie.
Sondag (T20-wedstryde, twee)
09:00 WAP tn WHS (WAP-veld); Platteland XI tn Whk Gim (CCD-veld); Walvisbaai loslootjie.
13:30 WAP tn Platteland XI (WAP-veld); Walvisbaai tn WHS (CCD-veld); Windhoek Gim loslootjie.
Maandag (50-boulbeurt wedstryde)
09:00 Walvisbaai tn Windhoek Gim (United-veld); WHS tn Platteland XI CCD-veld); WAP loslootjie.
Dinsdag (T20-wedstryd)
09:00 Finaal, Eerste tn Tweede (WAP-veld); Bronsfinaal, Derde tn Vierde (United-veld); Vyfde het loslootjie. Prysuitdeling om 13:00 by Wanderers-veld.
Kommentaar
Republikein
Geen kommentaar is op hierdie artikel gelaat nie