Rehoboth se noodkreet
Catherine Sasman - Ouditverslae sedert 2006 dui daarop dat die Rehoboth-dorpsraad (RTC) se finansiële beheer oor bates en laste in ’n benarde situasie verkeer, maar dat dit nooit aandag geniet het nie, of dat die betrokke partye daarvoor verantwoordelik gehou is nie.
Die bevindings van die kantoor van die ouditeur-generaal (OG) vir die boekjare 2006 tot 2010 herhaal dieselfde storie: Die ouditeur-generaal kan nie sê of die finansiële state van die RTC die finansiële toestand van die RTC regverdig verteenwoordig nie.
Kortliks, die forensiese oudits onthul dat die raad deurspek was van bedrieglike aktiwiteite, wat operasionele verliese vererger het.
Die ouditverslae het ’n rits onreëlmatighede onthul, onder meer geen rekonsiliasie oor opgehoopte krediteure nie; geen gereelde rekonsiliasie van belasting op toegevoegde waarde (VAT) kontrolerekeninge nie; geen fisiese voorraadopnames nie; geen ontleding van voorlopige rekeninge nie; geen verlofregister en bonus-vooruitskattings nie; geen bankkonsiliasie van die tjekrekening nie; en noemenswaardige verskille tussen die grootboekbalans en NamWater-state.
Verder was geen besonderhede oor beskikbare interne fondse beskikbaar nie; geen ouditering van openingsbalanse in die elektrisiteitsdepartement nie; geen ondersteunende dokumentasie of bewyse van die ontvangs van subsidies oor diverse inkomstes nie; maandelikse verskille op die betaalstaat wat nie ondersteun of verduidelik word nie; geen leningsregister nie; geen dokumente wat vir kwitansies en kontantregisterverslae voorgelê is nie; en “verrassende” hoeveelhede kontant wat op onreëlmatighede dui.
Vrae is geopper oor onverklaarbare betalings of rekeninge met geen ondersteunende dokumentasie nie, onder meer vir werk soos die instandhouding van strate, erwe wat verkoop is, die aankoop van water en krag van onderskeidelik NamWater en NamPower, vaste bates en die raad se betaalstaat en beleggings.
Geen verduidelikking is verstrek waarom geen voorraadopnames gedoen is nie; waarom geen rekord vir verlof en bonusse wat aan personeel toegeken is, bestaan nie; waarom geen rekord van kontant- en bankrekeninge of betaalstate beskikbaar is nie; waarom opnames gemaak is van lenings wat nie bestaan nie; waarom geen register bestaan van lenings wat toegestaan is nie; en waarom geen rekord van die Saambou-projek gehou is nie.
Die somtotaal van hierdie onreëlmatighede in finansiële verslaggewing vir die 2006- tot 2010-boekjaar, is dat meer as N$58 miljoen verdwyn het, geen verslag daaroor gedoen is nie, en waarvoor geen dokumentasie beskikbaar is nie.
Verslae vir die boekjare wat in 2011, 2012 en 2013 geëindig het, dui ook daarop dat geen voldoende interne finansiële beheer toegepas was nie, en dat ondersteunende dokumente wat voorsien is, vir ouditeringsdoeleindes onvoldoende was.
In 2012 reeds het die OG sy bedenkinge uitgespreek of die RTC as ’n lopende saak sou kon bestaan.
Die Teenkorrupsie-kommissie (ACC) het ook finansiële ongerymdhede en verdagte tendertoekennings by die RTC ontdek, en gevra dat die destydse ministerie van streeks- en plaaslike regering, behuising en landelike ontwikkeling moet intree.
In Junie 2012 het chaos in die dorp losgebars toe NamWater watertoevoer weens uitstaande skuld van nagenoeg N$30 miljoen opgeskort het.
’n Openbare vergadering is later gehou, waar die Joshua Generation gemeenskap-ontwikkelingskomitee bestaande uit tien mense gestig is, en gelas is om ondersoek na die RTC se finansiële situasie in te stel.
Dié komitee het ’n vorige eerste minister, mnr. Nahas Angula, ontmoet om oor die finansiële onreëlmatighede te praat, asook die impak wat dit op die ontwikkeling van die dorp het. Angula het onderneem om die saak te ondersoek, maar niks het tot op hede daarvan gekom nie.
“Die dorp gaan dood, maar niemand hoor ons noodkrete nie,” het ’n bekommerde inwoner gesê wat verkies om anoniem te bly.
Nóg ’n forensiese ondersoek, wat as die Adonai-verslag bekend is, is tussen Junie en Desember 2009 onderneem, waarin talle finansiële onreëlmatighede onthul is en wat ’n aantal personeel van die raad geïmpliseer het.
Die oudburgemeester van Rehoboth, me. Eva Maasdorp, het in 2012 gesê die verslag het verskeie wetlike en prosedurele kwessies bevat wat dit moeilik sou maak om iemand op grond daarvan aan te kla.
Nietemin is die verslag by die ACC ingedien.
Die ACC se hoofondersoekbeampte, mnr. Nelius Becker, kon gister nie sê of ondersoek ingestel is nie, aangesien hy nie die lêer kon opspoor nie.
Die bevindings van die kantoor van die ouditeur-generaal (OG) vir die boekjare 2006 tot 2010 herhaal dieselfde storie: Die ouditeur-generaal kan nie sê of die finansiële state van die RTC die finansiële toestand van die RTC regverdig verteenwoordig nie.
Kortliks, die forensiese oudits onthul dat die raad deurspek was van bedrieglike aktiwiteite, wat operasionele verliese vererger het.
Die ouditverslae het ’n rits onreëlmatighede onthul, onder meer geen rekonsiliasie oor opgehoopte krediteure nie; geen gereelde rekonsiliasie van belasting op toegevoegde waarde (VAT) kontrolerekeninge nie; geen fisiese voorraadopnames nie; geen ontleding van voorlopige rekeninge nie; geen verlofregister en bonus-vooruitskattings nie; geen bankkonsiliasie van die tjekrekening nie; en noemenswaardige verskille tussen die grootboekbalans en NamWater-state.
Verder was geen besonderhede oor beskikbare interne fondse beskikbaar nie; geen ouditering van openingsbalanse in die elektrisiteitsdepartement nie; geen ondersteunende dokumentasie of bewyse van die ontvangs van subsidies oor diverse inkomstes nie; maandelikse verskille op die betaalstaat wat nie ondersteun of verduidelik word nie; geen leningsregister nie; geen dokumente wat vir kwitansies en kontantregisterverslae voorgelê is nie; en “verrassende” hoeveelhede kontant wat op onreëlmatighede dui.
Vrae is geopper oor onverklaarbare betalings of rekeninge met geen ondersteunende dokumentasie nie, onder meer vir werk soos die instandhouding van strate, erwe wat verkoop is, die aankoop van water en krag van onderskeidelik NamWater en NamPower, vaste bates en die raad se betaalstaat en beleggings.
Geen verduidelikking is verstrek waarom geen voorraadopnames gedoen is nie; waarom geen rekord vir verlof en bonusse wat aan personeel toegeken is, bestaan nie; waarom geen rekord van kontant- en bankrekeninge of betaalstate beskikbaar is nie; waarom opnames gemaak is van lenings wat nie bestaan nie; waarom geen register bestaan van lenings wat toegestaan is nie; en waarom geen rekord van die Saambou-projek gehou is nie.
Die somtotaal van hierdie onreëlmatighede in finansiële verslaggewing vir die 2006- tot 2010-boekjaar, is dat meer as N$58 miljoen verdwyn het, geen verslag daaroor gedoen is nie, en waarvoor geen dokumentasie beskikbaar is nie.
Verslae vir die boekjare wat in 2011, 2012 en 2013 geëindig het, dui ook daarop dat geen voldoende interne finansiële beheer toegepas was nie, en dat ondersteunende dokumente wat voorsien is, vir ouditeringsdoeleindes onvoldoende was.
In 2012 reeds het die OG sy bedenkinge uitgespreek of die RTC as ’n lopende saak sou kon bestaan.
Die Teenkorrupsie-kommissie (ACC) het ook finansiële ongerymdhede en verdagte tendertoekennings by die RTC ontdek, en gevra dat die destydse ministerie van streeks- en plaaslike regering, behuising en landelike ontwikkeling moet intree.
In Junie 2012 het chaos in die dorp losgebars toe NamWater watertoevoer weens uitstaande skuld van nagenoeg N$30 miljoen opgeskort het.
’n Openbare vergadering is later gehou, waar die Joshua Generation gemeenskap-ontwikkelingskomitee bestaande uit tien mense gestig is, en gelas is om ondersoek na die RTC se finansiële situasie in te stel.
Dié komitee het ’n vorige eerste minister, mnr. Nahas Angula, ontmoet om oor die finansiële onreëlmatighede te praat, asook die impak wat dit op die ontwikkeling van die dorp het. Angula het onderneem om die saak te ondersoek, maar niks het tot op hede daarvan gekom nie.
“Die dorp gaan dood, maar niemand hoor ons noodkrete nie,” het ’n bekommerde inwoner gesê wat verkies om anoniem te bly.
Nóg ’n forensiese ondersoek, wat as die Adonai-verslag bekend is, is tussen Junie en Desember 2009 onderneem, waarin talle finansiële onreëlmatighede onthul is en wat ’n aantal personeel van die raad geïmpliseer het.
Die oudburgemeester van Rehoboth, me. Eva Maasdorp, het in 2012 gesê die verslag het verskeie wetlike en prosedurele kwessies bevat wat dit moeilik sou maak om iemand op grond daarvan aan te kla.
Nietemin is die verslag by die ACC ingedien.
Die ACC se hoofondersoekbeampte, mnr. Nelius Becker, kon gister nie sê of ondersoek ingestel is nie, aangesien hy nie die lêer kon opspoor nie.
Kommentaar
Republikein
Geen kommentaar is op hierdie artikel gelaat nie