Presidentsvrou word VN-voorspraakmaker
Sal kampvegter vir tienermeisies en jong vrouens wees
Die uitvoerende direkteur van die Verenigde Nasies se program vir die bekamping van MIV/Vigs (UNAids), Michel Sidibé, het Namibië se presidentsvrou, me. Monica Geingos, as UNAids se spesiale voorspraakmaker vir jong vrouens en tienermeisies aangestel. Sy sal die “Begin vry, Bly vry, MIV-vry”-veldtog bevorder wat pas bekend gestel is.
Sidibé het Geingos tydens die 71ste sitting van die Verenigde Nasies se Algemene Vergadering in New York ontmoet.
Geingos sal haar posisie as spesiale voorspraakmaker vir UNAids gebruik om die gesondheid van tienermeisies en jong vrouens te verbeter.
“Ek is verheug dat me. Geingos hierdie posisie aanvaar het. Sy sal haar platform gebruik om vennote en oplossings vir sommige van die moeilikste gesondheidskwessies te soek wat jong vrouens en tienermeisies vandag in die gesig staar. Dit sluit MIV-voorkoming en seksuele en reproduktiewe gesondheidsorg, asook toegang tot onderwys in,” het Sidibé gesê. “Jong vrouens en tienermeisies oral in die wêreld het ’n nuwe kampvegter en ons sien uit daarna om haar werk te ondersteun.”
Geingos het in Namibië en ook op wêreldverhoë reeds namens jong vrouens en tienermeisies gepraat. By die 2016 hoëvlak-vergadering van die Verenigde Nasies om MIV te beëindig, is sy geloof vir haar eerlike en direkte waarnemings oor waarom die wêreld nie daarin kon slaag om in die behoeftes van jong vrouens en tienermeisies te voorsien nie, en watter praktiese stappe nodig is om die kritieke gaping te oorbrug.
“Jong vrouens en tienermeisies staar teenstrydige werklikhede van ’n wêreld in die gesig, wat toenemend geslagsgelykheid erken, terwyl hulle in gemeenskappe leef wat steeds voortgaan om hulle hierdie gedeelde reg te ontneem.
“Terwyl ek opgewonde is oor bemoedigende tekens om die wêreld van sy patriargale mantel te verlig, bly die risiko’s wat jong vrouens en tienermeisies in die gesig staar, disproporsioneel en onaanvaarbaar hoog. Dit is ’n eer om by UNAids aan te sluit en te werk vir ’n geslag wat vry van MIV begin en vry bly,” het Geingos gesê.
Geingos is ’n kampvegter van “Begin vry, Bly vry, MIV vry,” ’n agenda om die wêreld op ’n supervinnige trajek te plaas om ’n einde aan MIV onder kinders, tieners en jong vrouens teen 2020 te maak:
Begin vry
Skakel nuwe MIV-infeksies onder kinders tussen die ouderdomme van nul en 14 jaar oud uit deur die getal nuwe gevalle van infeksie onder kinders tot minder as 40 000 teen 2018 en 20 000 teen 2020 te beperk. Bereik die doelwit van 95 persent swanger vrouens wat met MIV leef met lewenslange MIV-behandeling teen 2018.
Bly vry
Verminder die aantal nuwe MIV-infeksies onder tieners en jong vrouens tussen die ouderdomme van tien en 24 jaar tot minder as 100 000 teen 2020. Bied vrywillige mediese besnydings vir MIV-voorkoming aan 25 miljoen bykomende mans teen 2020, met die fokus op jong mans tussen die ouderdom van tien en 29 jaar.
MIV vry
Voorsien 1,6 miljoen kinders tussen die ouderdom van nul en 14 jaar en 1,2 miljoen tieners tussen die ouderdom van 15 en 19 wat met MIV leef, van antiretrovirale medikasie teen 2018. Voorsien 1,4 miljoen kinders (0-14) en een miljoen tieners (15-19) van MIV-behandeling teen 2020.
Sidibé het Geingos tydens die 71ste sitting van die Verenigde Nasies se Algemene Vergadering in New York ontmoet.
Geingos sal haar posisie as spesiale voorspraakmaker vir UNAids gebruik om die gesondheid van tienermeisies en jong vrouens te verbeter.
“Ek is verheug dat me. Geingos hierdie posisie aanvaar het. Sy sal haar platform gebruik om vennote en oplossings vir sommige van die moeilikste gesondheidskwessies te soek wat jong vrouens en tienermeisies vandag in die gesig staar. Dit sluit MIV-voorkoming en seksuele en reproduktiewe gesondheidsorg, asook toegang tot onderwys in,” het Sidibé gesê. “Jong vrouens en tienermeisies oral in die wêreld het ’n nuwe kampvegter en ons sien uit daarna om haar werk te ondersteun.”
Geingos het in Namibië en ook op wêreldverhoë reeds namens jong vrouens en tienermeisies gepraat. By die 2016 hoëvlak-vergadering van die Verenigde Nasies om MIV te beëindig, is sy geloof vir haar eerlike en direkte waarnemings oor waarom die wêreld nie daarin kon slaag om in die behoeftes van jong vrouens en tienermeisies te voorsien nie, en watter praktiese stappe nodig is om die kritieke gaping te oorbrug.
“Jong vrouens en tienermeisies staar teenstrydige werklikhede van ’n wêreld in die gesig, wat toenemend geslagsgelykheid erken, terwyl hulle in gemeenskappe leef wat steeds voortgaan om hulle hierdie gedeelde reg te ontneem.
“Terwyl ek opgewonde is oor bemoedigende tekens om die wêreld van sy patriargale mantel te verlig, bly die risiko’s wat jong vrouens en tienermeisies in die gesig staar, disproporsioneel en onaanvaarbaar hoog. Dit is ’n eer om by UNAids aan te sluit en te werk vir ’n geslag wat vry van MIV begin en vry bly,” het Geingos gesê.
Geingos is ’n kampvegter van “Begin vry, Bly vry, MIV vry,” ’n agenda om die wêreld op ’n supervinnige trajek te plaas om ’n einde aan MIV onder kinders, tieners en jong vrouens teen 2020 te maak:
Begin vry
Skakel nuwe MIV-infeksies onder kinders tussen die ouderdomme van nul en 14 jaar oud uit deur die getal nuwe gevalle van infeksie onder kinders tot minder as 40 000 teen 2018 en 20 000 teen 2020 te beperk. Bereik die doelwit van 95 persent swanger vrouens wat met MIV leef met lewenslange MIV-behandeling teen 2018.
Bly vry
Verminder die aantal nuwe MIV-infeksies onder tieners en jong vrouens tussen die ouderdomme van tien en 24 jaar tot minder as 100 000 teen 2020. Bied vrywillige mediese besnydings vir MIV-voorkoming aan 25 miljoen bykomende mans teen 2020, met die fokus op jong mans tussen die ouderdom van tien en 29 jaar.
MIV vry
Voorsien 1,6 miljoen kinders tussen die ouderdom van nul en 14 jaar en 1,2 miljoen tieners tussen die ouderdom van 15 en 19 wat met MIV leef, van antiretrovirale medikasie teen 2018. Voorsien 1,4 miljoen kinders (0-14) en een miljoen tieners (15-19) van MIV-behandeling teen 2020.
Kommentaar
Republikein
Geen kommentaar is op hierdie artikel gelaat nie