Nuwe Britse minister vir Afrika aangestel
Mnr. Tobias Ellwood is aangestel as die nuwe minister belas met Afrika in die Verenigde Koninkryk se kantoor vir buitelandse en statebondsaangeleenthede.
Ná sy aanstelling het Ellwood gesê hy is geëer met die aanstelling en sien uit om die verantwoordelikheid vir Brittanje se werk in Afrika te aanvaar.
“Die ekonomiese potensiaal van Afrika is groot met een derde van alle Afrika-ekonomieë wat vanjaar na verwagting met vyf persent of meer sal groei. Met ons diplomatieke netwerk in 36 lande, 19 kantore van die Britse Raad en 16 sogenaamde DFID-kantore, is Brittanje goed geposisioneer om met Afrika saam te werk om hierdie ekonomiese potensiaal vir vooruitstrewendheid te ontwikkel.
“Gegewe dat een in elke drie mense in Afrika tussen die ouderdom van 10 en 24 jaar oud is, is dit belangrik om te verseker dat hulle hoop vir die toekoms het.
“Ten einde Afrika-ekonomieë ’n hupstoot te gee, is dit ook belangrik om stabiliteit en veiligheid in die vasteland, en in die besonder in Oos-Afrika, te verbeter.
“Ons wil voortgaan om met die Afrika-unie, en deur middel van ons rol op die Veiligheidsraad van die Verenigde Nasies, aan hierdie belangrike kwessies te werk,” het Ellwood gesê.
Hy het die voorbeeld van Brittanje se samewerking met Frankryk en Amerika in die stryd teen Boko Haram in Nigerië, die hantering van die Ebola-uitbreking en bystand met veiligheid in Somalië genoem.
“Die Verenigde Koninkryk het sterk bande met Afrika en ek wil verseker dat die mense van Afrika weet dat die internasionale samewerking en ons betrokkenheid op die vasteland sal voortgaan, al is Brittanje buite die Europese Unie,” het Ellwood gesê.
Ná sy aanstelling het Ellwood gesê hy is geëer met die aanstelling en sien uit om die verantwoordelikheid vir Brittanje se werk in Afrika te aanvaar.
“Die ekonomiese potensiaal van Afrika is groot met een derde van alle Afrika-ekonomieë wat vanjaar na verwagting met vyf persent of meer sal groei. Met ons diplomatieke netwerk in 36 lande, 19 kantore van die Britse Raad en 16 sogenaamde DFID-kantore, is Brittanje goed geposisioneer om met Afrika saam te werk om hierdie ekonomiese potensiaal vir vooruitstrewendheid te ontwikkel.
“Gegewe dat een in elke drie mense in Afrika tussen die ouderdom van 10 en 24 jaar oud is, is dit belangrik om te verseker dat hulle hoop vir die toekoms het.
“Ten einde Afrika-ekonomieë ’n hupstoot te gee, is dit ook belangrik om stabiliteit en veiligheid in die vasteland, en in die besonder in Oos-Afrika, te verbeter.
“Ons wil voortgaan om met die Afrika-unie, en deur middel van ons rol op die Veiligheidsraad van die Verenigde Nasies, aan hierdie belangrike kwessies te werk,” het Ellwood gesê.
Hy het die voorbeeld van Brittanje se samewerking met Frankryk en Amerika in die stryd teen Boko Haram in Nigerië, die hantering van die Ebola-uitbreking en bystand met veiligheid in Somalië genoem.
“Die Verenigde Koninkryk het sterk bande met Afrika en ek wil verseker dat die mense van Afrika weet dat die internasionale samewerking en ons betrokkenheid op die vasteland sal voortgaan, al is Brittanje buite die Europese Unie,” het Ellwood gesê.
Kommentaar
Republikein
Geen kommentaar is op hierdie artikel gelaat nie