Miljoene rol vir FNB op plaaslike indeks
Trustco styg 16,4%, BWH sak terug
Jo-Maré Duddy – Verhandeling op die plaaslike indeks van die Namibiese aandelebeurs (NSX) is verlede week deur FNB Namibia Holdings oordonder: Uit die totale weekverhandeling van sowat N$17,3 miljoen op dié indeks, was bykans N$15,9 miljoen transaksies wat deur dié groep beklink is.
FNB was ook die enigste maatskappy op die plaaslike indeks wat verlede week met ‘n hoër sluitingsprys as dié van die vorige week kon spog. Die groep het Vrydag op N$48,02 per aandeel geëindig, 2c stuk of 0,04% stewiger as die vorige een.
Ondanks uitstekende jaarresultate wat Donderdag bekend gemaak is, het Bank Windhoek Holdings (BWH) se aandeleprys Vrydag met 1c stuk tot N$17,44 per aandeel teruggesak. BWH se sluitingsprys vir die week was 16c per aandeel of 0,9% laer as dié van die vorige week.
Vir die jaar tot einde Junie 2016 het BWH ‘n wins ná belasting van bykans N$905,1 miljoen gemaak, 20,2% meer as die vorige jaar. Verdienste per aandeel (EPS) was 181,2c, ‘n styging van 20,5% vergeleke 2015. BWH het ‘n dividend van 66c per gewone aandeel vir die 2016-boekjaar verklaar, 24,5% hoër as in 2015.
Meer as N$1,36 miljoen se BWH-aandele het verlede week in totaal van hande verwissel.
Die enigste ander maatskappy op die plaaslike indeks wat verlede week sake gedoen het, was Oryx Properties Ltd. Altesaam N$82 212 van dié groep se aandele is verhandel. Oryx het Vrydag op N$21,08 stuk gesluit, dieselfde as die vorige week. Oryx het in ‘n handelsoorsig gesê sy totale omvattende inkomste vir die jaar tot einde Junie sal na verwagting 30% of meer laer as dié van 2015 wees. Dié eiendomsgroep staal hom dus vir ‘n verlaging van minstens N$57 miljoen, wat sy totale omvattende inkomste vir 2016 op sowat N$133 miljoen te staan sal bring.
Verlede week se totale verhandeling van sowat N$17,3 miljoen op die plaaslike indeks was minder as die bykans N$32,7 miljoen van die vorige week. Die indeks het verlede week met 0,17% teenoor die vorige week teruggesak en op 546,22 punte geëindig.
Op die algehele indeks van die NSX is meer as N$151,2 miljoen se aandele verlede week in totaal van die hand gesit teenoor net minder as N$438 miljoen die vorige week. Die indeks het in die week onder oorsig met 0,99% verstewig en Vrydag op 1 066,69 punte gesluit. Die JSE se indeks van alle aandele het verlede week met 0,88% gestyg.
Trustco Group Holdings Ltd was verlede week loshande die wenner op die algehele indeks. Dié Namibiese groep, wat ook op die JSE genoteer is, het Vrydag op N$3,90 per aandeel gesluit, 55c stuk of 16,4% hoër as die vorige week.
Die week se grootste verloorder was Paladin Energy Ltd. Dié meerderheidsaandeelhouer in die Langer Heinrich-uraanmyn in Namibië se sluitingsprys het met 24c per aandeel of 12,4% teenoor die vorige week getuimel en het Vrydag op N$1,70 stuk geëindig.
FNB was ook die enigste maatskappy op die plaaslike indeks wat verlede week met ‘n hoër sluitingsprys as dié van die vorige week kon spog. Die groep het Vrydag op N$48,02 per aandeel geëindig, 2c stuk of 0,04% stewiger as die vorige een.
Ondanks uitstekende jaarresultate wat Donderdag bekend gemaak is, het Bank Windhoek Holdings (BWH) se aandeleprys Vrydag met 1c stuk tot N$17,44 per aandeel teruggesak. BWH se sluitingsprys vir die week was 16c per aandeel of 0,9% laer as dié van die vorige week.
Vir die jaar tot einde Junie 2016 het BWH ‘n wins ná belasting van bykans N$905,1 miljoen gemaak, 20,2% meer as die vorige jaar. Verdienste per aandeel (EPS) was 181,2c, ‘n styging van 20,5% vergeleke 2015. BWH het ‘n dividend van 66c per gewone aandeel vir die 2016-boekjaar verklaar, 24,5% hoër as in 2015.
Meer as N$1,36 miljoen se BWH-aandele het verlede week in totaal van hande verwissel.
Die enigste ander maatskappy op die plaaslike indeks wat verlede week sake gedoen het, was Oryx Properties Ltd. Altesaam N$82 212 van dié groep se aandele is verhandel. Oryx het Vrydag op N$21,08 stuk gesluit, dieselfde as die vorige week. Oryx het in ‘n handelsoorsig gesê sy totale omvattende inkomste vir die jaar tot einde Junie sal na verwagting 30% of meer laer as dié van 2015 wees. Dié eiendomsgroep staal hom dus vir ‘n verlaging van minstens N$57 miljoen, wat sy totale omvattende inkomste vir 2016 op sowat N$133 miljoen te staan sal bring.
Verlede week se totale verhandeling van sowat N$17,3 miljoen op die plaaslike indeks was minder as die bykans N$32,7 miljoen van die vorige week. Die indeks het verlede week met 0,17% teenoor die vorige week teruggesak en op 546,22 punte geëindig.
Op die algehele indeks van die NSX is meer as N$151,2 miljoen se aandele verlede week in totaal van die hand gesit teenoor net minder as N$438 miljoen die vorige week. Die indeks het in die week onder oorsig met 0,99% verstewig en Vrydag op 1 066,69 punte gesluit. Die JSE se indeks van alle aandele het verlede week met 0,88% gestyg.
Trustco Group Holdings Ltd was verlede week loshande die wenner op die algehele indeks. Dié Namibiese groep, wat ook op die JSE genoteer is, het Vrydag op N$3,90 per aandeel gesluit, 55c stuk of 16,4% hoër as die vorige week.
Die week se grootste verloorder was Paladin Energy Ltd. Dié meerderheidsaandeelhouer in die Langer Heinrich-uraanmyn in Namibië se sluitingsprys het met 24c per aandeel of 12,4% teenoor die vorige week getuimel en het Vrydag op N$1,70 stuk geëindig.
Kommentaar
Republikein
Geen kommentaar is op hierdie artikel gelaat nie