Kleiner styging in huispryse verwag

Dit lyk asof huispryse die verlangsaming in die Namibiese ekonomie volg en stadiger toeneem, het FNB Namibia vandag met die vrystelling van sy jongste behuisingsindeks gesê.
“Ná besteebare inkomste verlede jaar beswaarlik gestyg het en met twee rentekoerstygings tot dusver vanjaar, het koopkrag verweer. Ons verwag dus dat die styging in huispryse vanjaar tot 11% sal afneem,” sê mnr. Daniel Kavishe, hoof van marknavorsing by FNB Namibia.