Jong talent leef hulself uit

Die jaarlikse junior tennistoernooi op Outjo was onlangs weer ’n puik geleentheid waarin 52 spelers meegeding het.
Die noorde van die land het jaarliks net een toernooi wat punte op die Namibiese Tennisvereniging (NTA) se reeks inhou, teenoor dalk nege of meer per jaar in Windhoek.
Die ouderdomsgroepe het vanaf onder 8 tot o.18 gestrek met die borgskap van OK Foods op Outjo wat opnuut die aanbieding moontlik gemaak het.
Volgens die hooforganiseerder, me. Maryna Louw, is die Switserse legende Roger Federer en sy ouers gereelde bydraers van geskenke waarmee die jong spelers beloon en aangespoor word om hul harde werk deur die jaar vol te hou.
Louw het ook waardering uitgespreek vir vrywilligers soos Elaine Mostert, Jaco Oberholzer, Hannelie Marais, Charisma O’Callagan, Lettie Fourie, Maryna Viljoen en Malanie van Vuuren wat hul naweek opgeoffer het om by die toernooi hand by te sit.
Die uitslae van die eindstryde was soos volg:

ENKELSPEL WENNERS
Meisies onder 8: Simone Steenkamp klop Adore Steenkamp.
Seuns onder 8: Gideon Kotze van Outjo klop Lwyk Viljoen van Windhoek.
Seuns onder 10: Theuns Alberts klop Xavier Klazen (albei Outjo).
Meisies onder 12: Elzé Pears van Windhoek klop Ann-Jooné Steenkamp van Outjo.
Seuns onder 12: Muller Marais van Outjo klop Pieter-Willem Esterhuizen van Outjo.
Meisies onder 14: Tammy-Ann Lombardt van Windhoek klop Tharita Kitching van Tsumeb.
Seuns onder 14: Willie Marais van Outjo klop Daniel Kienitz van Outjo.
Meisies onder 16: Megan Lombardt van Windhoek klop Agnes Steenkamp van Outjo.
Meisies onder 18: Zadey Mouton van Otjiwarongo klop Demi Kapose van Otjiwarongo.
Seuns onder 18: Conrey Kitching van Tsumeb klop Barthlos Aibeb van Otjiwarongo.

DUBBELSPEL WENNERS
Seuns onder 10: Theuns Alberts en Heiko Human klop J. Cronje en Sibonne Amamub.
Meisies onder 12: Anne-Jooné Steenkamp en L. Burger klop J. Cronje en S. Diergaardt.
Seuns onder 12: PW Esterhuizen en Muller Marais klop JW van Niekerk en I Human.
Meisies onder 14: Elzé Stears en T Kitching klop I. de Jager en A van Zyl.
Seuns onder 16: Willie Marais en Daniel Kienitz klop L. Burger en A Engelbrecht.
Meisies onder 18: Megan Lombardt en Tammy-Ann Lombardt (twee sussies van Windhoek) klop Agnes Steenkamp en S. Diergaardt.
Seuns onder 18: Conrey Kitching en Barthos Aibeb klop W. Naylor en J. van Zyl.