Isuzu se bakkies opgedollie
Isuzu is nie van plan om verkope af te staan aan ander vervaardigers as dit by sy bakkies kom nie.
By die eentonners sit die Isuzu KB elke maand veilig in die derde plek met die Hilux en Ranger wat soos kat en hond om die eerste plek baklei.
Om te sorg dat voornemende kopers nie weggerokkel word nie, hou Isuzu belangstelling lewendig met unieke weergawes van sy bestaande bakkiereeks. Dit is ’n inisiatief deur General Motors Suid-Afrika met lande soos Brittanje en Thailand wat ook lief hiervoor is.
So ’n ruk gelede was daar die Serengeti, wat eintlik ’n beperkte weergawe was, omdat net ’n sekere aantal gebou is. Toe volg die Midnite, wat as ’n spesiale weergawe beskou word en gebou is solank as wat daar belangstelling was.
Nou volg die X-Rider in die Midnite se wielspore en is beskikbaar as die KB 250 Hi-Rider-4x2-dubbelkajuit of die -verlengde kajuit.
Soos met die ander spesiale weergawes gaan dit oor die kosmetiese opdollie – binne en buite – van die bakkie. In die X-Rider se geval is daar darem ook iets wat nie net vir die mooi daar is nie. Dit is ’n nuwe swaardienssleepstang met ’n 2,1-ton-vermoë.
Buite is daar nuwe 18”-vellings met ’n vyfspeek-ontwerp in swart en silwer.
Die X-Rider spog met sytrappe, ’n rolstaaf en ’n bosbreker wat netjies in die voorbuffer geïntegreer is. Alles is in swart afgewerk met klein X-Rider-kentekens in rooi daarop.
Die sierrooster is in dieselfde swart skakering en daar is ’n keerskerm vir klippe op die punt van die enjinkap. Onder die buffer is LED-dagryligte.
Binne kry eienaars leersitplekke met X-Rider-kentekens, die ratknop en stuurwiel het rooi stikwerk en die stuurwiel het boonop satellietkontroles, iets wat die standaardbakkie waarop die X-Rider gegrond is, nie het nie.
Blink, klavierswart afwerking word in die kajuit ingespan in die deurpanele en het ook ’n X-kenteken in rooi op. Verder is daar klavierswart afwerking rondom die luginlate, by die klankstelsel en in die konsole wat die rathefboom huisves.
Die X-Rider sal in wit, silwer of rooi beskikbaar wees. Dit span Isuzu se 2.5-liter-turbodieselenjin in wat 100 kW en 320 Nm lewer. – Netwerk24
By die eentonners sit die Isuzu KB elke maand veilig in die derde plek met die Hilux en Ranger wat soos kat en hond om die eerste plek baklei.
Om te sorg dat voornemende kopers nie weggerokkel word nie, hou Isuzu belangstelling lewendig met unieke weergawes van sy bestaande bakkiereeks. Dit is ’n inisiatief deur General Motors Suid-Afrika met lande soos Brittanje en Thailand wat ook lief hiervoor is.
So ’n ruk gelede was daar die Serengeti, wat eintlik ’n beperkte weergawe was, omdat net ’n sekere aantal gebou is. Toe volg die Midnite, wat as ’n spesiale weergawe beskou word en gebou is solank as wat daar belangstelling was.
Nou volg die X-Rider in die Midnite se wielspore en is beskikbaar as die KB 250 Hi-Rider-4x2-dubbelkajuit of die -verlengde kajuit.
Soos met die ander spesiale weergawes gaan dit oor die kosmetiese opdollie – binne en buite – van die bakkie. In die X-Rider se geval is daar darem ook iets wat nie net vir die mooi daar is nie. Dit is ’n nuwe swaardienssleepstang met ’n 2,1-ton-vermoë.
Buite is daar nuwe 18”-vellings met ’n vyfspeek-ontwerp in swart en silwer.
Die X-Rider spog met sytrappe, ’n rolstaaf en ’n bosbreker wat netjies in die voorbuffer geïntegreer is. Alles is in swart afgewerk met klein X-Rider-kentekens in rooi daarop.
Die sierrooster is in dieselfde swart skakering en daar is ’n keerskerm vir klippe op die punt van die enjinkap. Onder die buffer is LED-dagryligte.
Binne kry eienaars leersitplekke met X-Rider-kentekens, die ratknop en stuurwiel het rooi stikwerk en die stuurwiel het boonop satellietkontroles, iets wat die standaardbakkie waarop die X-Rider gegrond is, nie het nie.
Blink, klavierswart afwerking word in die kajuit ingespan in die deurpanele en het ook ’n X-kenteken in rooi op. Verder is daar klavierswart afwerking rondom die luginlate, by die klankstelsel en in die konsole wat die rathefboom huisves.
Die X-Rider sal in wit, silwer of rooi beskikbaar wees. Dit span Isuzu se 2.5-liter-turbodieselenjin in wat 100 kW en 320 Nm lewer. – Netwerk24
Kommentaar
Republikein
Geen kommentaar is op hierdie artikel gelaat nie