Duitse vernuf met pistole verstom
Die Namibiese Pistoolskietvereniging is trots om die jaar te kon merk met die eerste van verskeie internasionale kompetisies wat nog in 2016 beplan word.
Die Vereniging het onlangs sy 48ste nasionale kampioenskap by die Luiperdsvallei skietbaan suid van Windhoek aangebied. Die organiseerders was veral trots en geëerd om die Duitse nasionale span teenwoordig te hê wat spesifiek in PPC 1500 (presisie-pistoolskiet) spesialiseer.
Die Duitse deelname, asook dié van Suid-Afrika se Departement van Korrektiewe Dienste (DKD), was ’n geskiedkundige eerste by ’n Namibiese kampioenskap sedert onafhanklikwording in 1990.
“Die byeenkoms was net moontlik danksy die ondersteuning van die Namibiese polisie (wapenpermitte) asook ons borge wat nie skaam was om te help nie,” sê mnr. Michael Jaeger, president van die Vereniging.
“Dit is ’n riem onder die hart dat ondanks die voortdurende negatiewe kommentare uit verskeie oorde, daar wel nog onderskei kan word tussen ons sport en die wanaanwending van vuurwapens in misdaad. Nogmaals dankie aan Nampol.”
Volgens Jaeger het albei die buitelandse spanne aangedui dat hulle volgende jaar weer genooi wil wees.
Sonder die steun van borge en rolspelers soos Paratus Telecom, Namibia Construction, 365 Logistics, MB Truck Spares, Namibia Breweries, Shadenet, Agra (Safari Guns), Global Polymer Industries, Berndt Metzger, Plaas Omitara, Mike Beavis en al die lede van die Namibiese Pistoolskietvereniging en Windhoek Sentraal Pistoolklub sou die byeenkoms nie naastenby so suksesvol aangebid kon word.
“Dit was ’n wonderlike gesig en ’n spesiale ervaring om die Duitse nasionale span te sien kompeteer. Om ná 30 skote net een of twee punte weg van ’n vol telling te wees, wil gedoen wees. Wêreldklas!” sê Jaeger.
Die 19 roetines van presisie-pistoolskiet (ook bekend as polisie-pistoolskiet) wat meerendeels met die 9 mm pistool geskiet word, is totaal deur die Duitse nasionale span oorheers, met die RSA Departement van Korrektiewe Dienste tweede.
Die Namibiese Presidentspan wat vir die eerste keer aan hierdie roetines deelgeneem het, moes ongelukkig met die derde plekke tevrede wees.
In die ander items wat uit die .22, .32 en .177 kalibers bestaan, het die Namibiese Presidentslede vier van die sewe items gewen. Die Duitse nasionale span het nie in hierdie items deelgeneem nie.
Boelie Malherbe is weer die Namibiese kampioen vir 2016, gevolg deur Michael Bartlewski en Michael Jaeger. Die nuweling Michael Schoeman het sy stem dik gemaak met baie goeie uitslae. In die toekoms word nog baie van dié skut verwag.
Ongelukkig is daar nie tans baie vroue wat deelneem nie, maar Oenone Pieters (Namibië) was die algehele wenner met Samantha Ramsewaki (DKD) tweede en nog ’n Namibiër, Tatiana Malewski, in die derde plek.
Die wenners van die verskillende trofeë was:
Ope manskampioen – Mornay de Beer (DKD).
Geslote manskampioen – Boelie Malherbe (Namibië).
Tara Trofee (gekombineerde telling van die 50 meter .22 pistool en die 25 meter .32 pistool) – Mornay de Beer (DKD).
Presidentsbeker (45,72 meter met ’n .22 pistool) – André Scheepers (DKD).
Navrae oor die sport kan aan Jaeger ([email protected]) of Boelie Malherbe by [email protected] gerig word.
Die Vereniging het onlangs sy 48ste nasionale kampioenskap by die Luiperdsvallei skietbaan suid van Windhoek aangebied. Die organiseerders was veral trots en geëerd om die Duitse nasionale span teenwoordig te hê wat spesifiek in PPC 1500 (presisie-pistoolskiet) spesialiseer.
Die Duitse deelname, asook dié van Suid-Afrika se Departement van Korrektiewe Dienste (DKD), was ’n geskiedkundige eerste by ’n Namibiese kampioenskap sedert onafhanklikwording in 1990.
“Die byeenkoms was net moontlik danksy die ondersteuning van die Namibiese polisie (wapenpermitte) asook ons borge wat nie skaam was om te help nie,” sê mnr. Michael Jaeger, president van die Vereniging.
“Dit is ’n riem onder die hart dat ondanks die voortdurende negatiewe kommentare uit verskeie oorde, daar wel nog onderskei kan word tussen ons sport en die wanaanwending van vuurwapens in misdaad. Nogmaals dankie aan Nampol.”
Volgens Jaeger het albei die buitelandse spanne aangedui dat hulle volgende jaar weer genooi wil wees.
Sonder die steun van borge en rolspelers soos Paratus Telecom, Namibia Construction, 365 Logistics, MB Truck Spares, Namibia Breweries, Shadenet, Agra (Safari Guns), Global Polymer Industries, Berndt Metzger, Plaas Omitara, Mike Beavis en al die lede van die Namibiese Pistoolskietvereniging en Windhoek Sentraal Pistoolklub sou die byeenkoms nie naastenby so suksesvol aangebid kon word.
“Dit was ’n wonderlike gesig en ’n spesiale ervaring om die Duitse nasionale span te sien kompeteer. Om ná 30 skote net een of twee punte weg van ’n vol telling te wees, wil gedoen wees. Wêreldklas!” sê Jaeger.
Die 19 roetines van presisie-pistoolskiet (ook bekend as polisie-pistoolskiet) wat meerendeels met die 9 mm pistool geskiet word, is totaal deur die Duitse nasionale span oorheers, met die RSA Departement van Korrektiewe Dienste tweede.
Die Namibiese Presidentspan wat vir die eerste keer aan hierdie roetines deelgeneem het, moes ongelukkig met die derde plekke tevrede wees.
In die ander items wat uit die .22, .32 en .177 kalibers bestaan, het die Namibiese Presidentslede vier van die sewe items gewen. Die Duitse nasionale span het nie in hierdie items deelgeneem nie.
Boelie Malherbe is weer die Namibiese kampioen vir 2016, gevolg deur Michael Bartlewski en Michael Jaeger. Die nuweling Michael Schoeman het sy stem dik gemaak met baie goeie uitslae. In die toekoms word nog baie van dié skut verwag.
Ongelukkig is daar nie tans baie vroue wat deelneem nie, maar Oenone Pieters (Namibië) was die algehele wenner met Samantha Ramsewaki (DKD) tweede en nog ’n Namibiër, Tatiana Malewski, in die derde plek.
Die wenners van die verskillende trofeë was:
Ope manskampioen – Mornay de Beer (DKD).
Geslote manskampioen – Boelie Malherbe (Namibië).
Tara Trofee (gekombineerde telling van die 50 meter .22 pistool en die 25 meter .32 pistool) – Mornay de Beer (DKD).
Presidentsbeker (45,72 meter met ’n .22 pistool) – André Scheepers (DKD).
Navrae oor die sport kan aan Jaeger ([email protected]) of Boelie Malherbe by [email protected] gerig word.
Kommentaar
Republikein
Geen kommentaar is op hierdie artikel gelaat nie