Baie vrae oor N-Koreane bly onbeantwoord
Estelle de Bruyn - Ondanks ’n kort verklaring waarin aangekondig is dat Namibië hom by die resolusies van die Verenigde Nasies rakende transaksies met Noord-Korea sal hou en enkele vrae wat vroeër tydens ’n mediakonferensie beantwoord is, bly heelwat onbeantwoorde vrae oor wat die teenwoordigheid van twee Noord-Koreaanse maatskappye in Namibië betref.
Geen aanduiding kon vroeër deur die adjunkpremier en minister van internasionale betrekkinge en samewerking, me. Netumbo Nandi-Ndaitwah, gegee word oor die totale waarde van al die konstruksiewerk wat die Noord-Koreaanse maatskappye Mansudae Overseas Projects (M.O.P.) en Korea Mining Development Trading Corporation (Komid) in Namibië gedoen het en steeds mee besig is nie.
Republikein het verlede jaar op grond van ’n dokument op die webtuiste van North Korean Economy Watch berig dat Namibië sedert 2002, toe die heldeakker buite Windhoek teen ’n koste van sowat N$52 miljoen opgerig is, nagenoeg N$660 miljoen aan Mansudae betaal het.
Volgens die webtuiste is Namibië die Afrikaland waaruit Mansudae Art Studio se buitelandse filiaal, Mop, sedert 2000 die meeste buitelandse valuta verdien het.
Die Noord-Koreane het buiten die heldeakker ook die militêre museum op Okahandja (2004) en die nuwe Staatshuis (2008) gebou.
Die koste verbonde aan die bou van Staatshuis het ook oor die jare gewissel. In April 2002 is die Nasionale Vergadering meegedeel dat dit N$186 miljoen beloop. In die tweede nasionale ontwikkelingsplan is ’n bedrag van N$264 miljoen genoem en later het dit aan die lig gekom dat die projek N$440 miljoen sou kos. Die bedrag is later tot N$500 miljoen aangepas. Kenners meen egter dat met voltooiing die totale koste digby of meer as ’n miljard dollar beloop het.
Die Noord-Koreaanse maatskappye het ook die Gedenkmuseum vir Onafhanklikwording (2011) gebou.
Intussen is ’n ammunisiefabriek ook deur die Noord-Koreane by Oamites gebou en omvattende bouwerk is by Luiperdsvallei gedoen. Presies wat die bouwerk behels, is ook nie bekend nie.
Nandi-Ndaitwah kon ook nie duidelikheid gee oor enige sperdatum waarteen die werk aan die nuwe verdedigingshoofkwartier waarmee die Noord-Koreane by Suiderhof militêre basis besig is, afgehandel moet wees en wanneer al die werknemers van Komid en Mansudae uit die land moet wees nie.
Dit is ook nie bekend hoeveel Noord-Koreane hulle op die oomblik in Namibië bevind nie.
In die verklaring wat vroeër deur die ministerie van internasionale betrekkinge en samewerking uitgereik is, het die permanente sekretaris, me. Selma Ashipala-Musavyi, die versekering gegee dat Namibië deurlopend aan die sogenaamde 1718-komitee van die Veiligheidsraad van die Verenigde Nasies (VN) sal terugvoer gee oor die beëindiging van die kontrakte met die Noord-Koreaanse ondernemings.
Die Amerikaanse tesourie beskryf Komid as “Noord-Korea se primêre wapenhandelaar vir goedere wat met ballistiese missiele en konvensionele wapens verband hou.”
Geen aanduiding kon vroeër deur die adjunkpremier en minister van internasionale betrekkinge en samewerking, me. Netumbo Nandi-Ndaitwah, gegee word oor die totale waarde van al die konstruksiewerk wat die Noord-Koreaanse maatskappye Mansudae Overseas Projects (M.O.P.) en Korea Mining Development Trading Corporation (Komid) in Namibië gedoen het en steeds mee besig is nie.
Republikein het verlede jaar op grond van ’n dokument op die webtuiste van North Korean Economy Watch berig dat Namibië sedert 2002, toe die heldeakker buite Windhoek teen ’n koste van sowat N$52 miljoen opgerig is, nagenoeg N$660 miljoen aan Mansudae betaal het.
Volgens die webtuiste is Namibië die Afrikaland waaruit Mansudae Art Studio se buitelandse filiaal, Mop, sedert 2000 die meeste buitelandse valuta verdien het.
Die Noord-Koreane het buiten die heldeakker ook die militêre museum op Okahandja (2004) en die nuwe Staatshuis (2008) gebou.
Die koste verbonde aan die bou van Staatshuis het ook oor die jare gewissel. In April 2002 is die Nasionale Vergadering meegedeel dat dit N$186 miljoen beloop. In die tweede nasionale ontwikkelingsplan is ’n bedrag van N$264 miljoen genoem en later het dit aan die lig gekom dat die projek N$440 miljoen sou kos. Die bedrag is later tot N$500 miljoen aangepas. Kenners meen egter dat met voltooiing die totale koste digby of meer as ’n miljard dollar beloop het.
Die Noord-Koreaanse maatskappye het ook die Gedenkmuseum vir Onafhanklikwording (2011) gebou.
Intussen is ’n ammunisiefabriek ook deur die Noord-Koreane by Oamites gebou en omvattende bouwerk is by Luiperdsvallei gedoen. Presies wat die bouwerk behels, is ook nie bekend nie.
Nandi-Ndaitwah kon ook nie duidelikheid gee oor enige sperdatum waarteen die werk aan die nuwe verdedigingshoofkwartier waarmee die Noord-Koreane by Suiderhof militêre basis besig is, afgehandel moet wees en wanneer al die werknemers van Komid en Mansudae uit die land moet wees nie.
Dit is ook nie bekend hoeveel Noord-Koreane hulle op die oomblik in Namibië bevind nie.
In die verklaring wat vroeër deur die ministerie van internasionale betrekkinge en samewerking uitgereik is, het die permanente sekretaris, me. Selma Ashipala-Musavyi, die versekering gegee dat Namibië deurlopend aan die sogenaamde 1718-komitee van die Veiligheidsraad van die Verenigde Nasies (VN) sal terugvoer gee oor die beëindiging van die kontrakte met die Noord-Koreaanse ondernemings.
Die Amerikaanse tesourie beskryf Komid as “Noord-Korea se primêre wapenhandelaar vir goedere wat met ballistiese missiele en konvensionele wapens verband hou.”
Kommentaar
Republikein
Geen kommentaar is op hierdie artikel gelaat nie