ACC neem polisie-hoë in hegtenis
Estelle de Bruyn - Die hoof van die menslike hulpbronne-afdeling van die Namibiese polisie, kommissaris Abed Kashihakumwa, en drie ander lede van die polisie is deur die Teenkorrupsie Kommissie (ACC) in hegtenis geneem op klagte van bedrog en korrupsie.
Volgens ’n verklaring deur die ACC hou die inhegtenisneming verband met die aanstelling van ’n voormalige polisiebeampte, Sakaria Ashipala, in die siviele komponent van die polisie, nadat hy op 6 Oktober 2011 aan diefstal skuldig bevind is. Ashipala is volgens die ACC-verklaring “na bewering” die swaer van Kashihakumwa.
Volgens die ACC is Ashipala op 31 Julie 2012 uit die polisie ontslaan.
Alle aanduidings is daar dat sy vingerafdrukke nooit geneem is nie en gevolglik word by die Namibiese polisie se sentrum vir kriminele rekords aangedui dat daar “geen rekord” vir hom is nie.
Toe ’n pos vir ’n administratiewe beampte in 2014 deur die polisie geadverteer is, het Ashipala aansoek gedoen. In die sertifikaat van gedrag, wat saam met die aansoek ingedien is, het hy verklaar dat hy geen vorige veroordelings het nie.
Op die aansoekvorm het hy die spasie waar hy moes aandui of hy ’n vorige kriminele rekord het, leeg gelaat.
Dit word beweer dat verskeie personeellede van die polisie op verskillende vlakke die stelsel gemanipuleer het en sy indiensneming gefasiliteer het deur verskeie interne dokumente sodanig te verander dat Ashipala aan die kriteria vir die pos voldoen het.
Ashipala was volgens die klagstukke van die aanklaer-generaal nie eers op die kortlys van 11 mense met wie onderhoude gevoer is nie. Ondanks die feit dat hy nie aan die kriteria vir die pos voldoen nie, is sy naam ingesluit en hy het uiteindelik die groen lig gekry.
’n Brief waarin Ashipala aanbeveel word vir die pos is ook aan Kashihakumwa gestuur en deur hom onderteken. Sover bekend was Kashihakumwa deeglik bewus van Ashipala se vorige veroordeling.
Die aanbeveling het oënskynlik nie die volgende owerheidsvlak bereik nie, maar is reguit na die generaal verantwoordelik vir administrasie, wat dit aan die permanente sekretaris van veiligheid en sekuriteit vir goedkeuring gestuur het.
Ashipala is gevolglik aangestel en werk steeds vir die polisie.
Tot dusver het die ACC vir komm. Kashihakumwa; hoofinspekteur Nikanor Ashipale Tweumuna en inspekteur Anna Maria Klaudia Angula, albei betrokke by werwing in die menslike hulpbronne-direktoraat, en Ashipala, ’n administratiewe klerk in dieselfde direktoraat, in hegtenis geneem.
Kashihakumwa is gister in hegtenis geneem. Die ander is vroeër aangekeer en het reeds in die hof verskyn en is op borgtog vrygelaat.
Kashihakumwa het gister in die Windhoekse landdroshof verskyn en borgtog van N$5 000 is aan hom toegestaan. Die saak is tot 25 Augustus uitgestel.
Hy staan tereg op die korrupte gebruik van sy kantoor of posisie vir gratifikasie; die korrupte gebruik van ’n vals dokument; pogings om die gereg te dwarsboom en omdat hy ’n valse dokument aan ’n agent gegee het.
Volgens ’n verklaring deur die ACC hou die inhegtenisneming verband met die aanstelling van ’n voormalige polisiebeampte, Sakaria Ashipala, in die siviele komponent van die polisie, nadat hy op 6 Oktober 2011 aan diefstal skuldig bevind is. Ashipala is volgens die ACC-verklaring “na bewering” die swaer van Kashihakumwa.
Volgens die ACC is Ashipala op 31 Julie 2012 uit die polisie ontslaan.
Alle aanduidings is daar dat sy vingerafdrukke nooit geneem is nie en gevolglik word by die Namibiese polisie se sentrum vir kriminele rekords aangedui dat daar “geen rekord” vir hom is nie.
Toe ’n pos vir ’n administratiewe beampte in 2014 deur die polisie geadverteer is, het Ashipala aansoek gedoen. In die sertifikaat van gedrag, wat saam met die aansoek ingedien is, het hy verklaar dat hy geen vorige veroordelings het nie.
Op die aansoekvorm het hy die spasie waar hy moes aandui of hy ’n vorige kriminele rekord het, leeg gelaat.
Dit word beweer dat verskeie personeellede van die polisie op verskillende vlakke die stelsel gemanipuleer het en sy indiensneming gefasiliteer het deur verskeie interne dokumente sodanig te verander dat Ashipala aan die kriteria vir die pos voldoen het.
Ashipala was volgens die klagstukke van die aanklaer-generaal nie eers op die kortlys van 11 mense met wie onderhoude gevoer is nie. Ondanks die feit dat hy nie aan die kriteria vir die pos voldoen nie, is sy naam ingesluit en hy het uiteindelik die groen lig gekry.
’n Brief waarin Ashipala aanbeveel word vir die pos is ook aan Kashihakumwa gestuur en deur hom onderteken. Sover bekend was Kashihakumwa deeglik bewus van Ashipala se vorige veroordeling.
Die aanbeveling het oënskynlik nie die volgende owerheidsvlak bereik nie, maar is reguit na die generaal verantwoordelik vir administrasie, wat dit aan die permanente sekretaris van veiligheid en sekuriteit vir goedkeuring gestuur het.
Ashipala is gevolglik aangestel en werk steeds vir die polisie.
Tot dusver het die ACC vir komm. Kashihakumwa; hoofinspekteur Nikanor Ashipale Tweumuna en inspekteur Anna Maria Klaudia Angula, albei betrokke by werwing in die menslike hulpbronne-direktoraat, en Ashipala, ’n administratiewe klerk in dieselfde direktoraat, in hegtenis geneem.
Kashihakumwa is gister in hegtenis geneem. Die ander is vroeër aangekeer en het reeds in die hof verskyn en is op borgtog vrygelaat.
Kashihakumwa het gister in die Windhoekse landdroshof verskyn en borgtog van N$5 000 is aan hom toegestaan. Die saak is tot 25 Augustus uitgestel.
Hy staan tereg op die korrupte gebruik van sy kantoor of posisie vir gratifikasie; die korrupte gebruik van ’n vals dokument; pogings om die gereg te dwarsboom en omdat hy ’n valse dokument aan ’n agent gegee het.
Kommentaar
Republikein
Geen kommentaar is op hierdie artikel gelaat nie