Borg geweier, verdagte bly in aanhouding

DIE vermeende moordenaar van Magdalena Stoffels het vlugtig in die Katutura Landroshof verskyn. Hy is borg geweier en moet weer op 1 September voorkom.

Tydens sy verskyning het landros Gerrit van Pletzen gesê dit is nie in die belang van die gemeenskap of die administrasie van geregtigheid om borg aan die beskuldigde toe te staan nie.

Estelle de Bruyn was by die hof in Katutura waar Junior Phillips voorgekom het.

Stoffels, ’n graad-11 leerling aan die Hoërskool David Bezuidenhout in Khomasdal is Dinsdag onderweg tussen haar huis en die skool vermoor.

Omstanders en lede van die gemeenskap het vandag en gister betoog om hul misnoë met die behandeling van misdadigers wat wrede dade pleeg ten toon te stel.

Luister na die bydrae voor die hoffverrigtinge ‘n aanvang geneem het.