24.08.2010 Duitse karnaval weer kleurvolle vertoning
 Een van die vlotte tydens die Tsumka.
DIE jaarlikse Duitse Karnaval, die Tsumka, het aan die einde van Julie weer vir groot vermaak op Tsumeb gesorg. Paul Ströh en sy vrou Edith is as die prinsepaar gekroon terwyl Heini en Kim Lusse hul kroon afgegee het.
Die Büttenabend, die tradisionele biervaatjie-aand, is ook tot groot vermaak van al die teenwoordiges gehou. Op die Saterdag was die vlotte en die optog die groot aantrekkingskrag waar Tsumeb se besighede saamsnoer om die dorp in ’n optog van feestelikheid en vertoon te omskep en terselfdertyd om die prys van die wenvlot meeding.
Die wenvlot was vanjaar die een van Powerline Africa – heel gepas met die seekat wat die toekoms voorspel. As deel van die fees is die Kika, die kinderkarnaval, ook aangebied.
Die kleingoed kon dans en speel terwyl die senior inwoners lekker gesellig saam verkeer en die jongklomp se manewales geniet het.
Klik op die foto om die fotogallery te vertoon.
In die gallery sal jy na die volgende of die vorige foto's kan aanbeweeg deur in die linker- of die regterkant van die foto te klik. Alternatiewelik kan jy die sleutel "T" gebruik vir terug, "V" vir vorentoe of "M" om die fotovenster toe te maak.
|
