Hierdie humoristiese foto van ’n tydelike lisensie wat tipiese Namlish bevat, is in die internasionale kuberruim per e-pos en internet heen en weer gestuur en is selfs op facebook en ‘n Australiese blog van oud-Namibiërs gepubliseer. Republikein het die fotograaf van die tydelike lisensie vir ’n vurkhyser, Helga Detering, opgespoor. Helga is ’n prosedurebestuurder by Cymot se tak op Tsumeb en die maatskappy het ’n tydelike lisensie vir hul vurkhyser nodig gehad om vrag in die straat te mag aflaai. Cymot se drywer, Sebulon Tjipuka, is na NaTis gestuur en het met dié tydelike lisensie vir ’n “Toyota Fok Left” teruggekom. Reg of verkeerd, die vurkhyser was gelisensieer om in die straat gebruik te word.
