“Dalk dink julle ook soos ek dat hierdie foto van die swart en wit donkies wat saam trek aan die waentjie so simbolies is van Namibië? As ons saam inspan en saam trek as span, dan gaan ons by die regte bestemming uitkom met ’n baie eenvoudige waentjie wat wys dat mens nie baie nodig het om saam-saam ’n wenspan te vorm nie,” skryf Ems de Lange van Mariental wat die foto vir ons gestuur het.
