“Daar was ’n byeswerm in hierdie reuse, eeue-oue jakkalsbessieboom by die Gekombineerde Skool Katima Mulilo,” skryf leser Carl Botes. “Bosbou het toestemming verleen om die swerm te verwyder op voorwaarde dat die verantwoordelikes net ’n gleuf kap om die koningin te verwyder. Jy kan die resultaat in die foto sien. Die boom se deursnit is sowat 1,5 meter! Die wins? Een roomysbakkie vol heuning. Dit gebeur daagliks in die Caprivi,” betreur Carl die optrede.
