Agra het twee junior geweersmids by Safari Den in Windhoek aangestel. Hulle is Jörn Brummund (links) en Holger Dennler wat pas vier jaar opleiding as geweersmids in Ferlach, Oostenryk, voltooi het. Hulle sal hul verdere indiensopleiding onder die meestershand van mnr. Norbert Kuess kry. Met die aanstellings kan Agra sy dienste in die bou van en herstelwerk aan gewere uitbrei. Danksy ’n goed toegeruste werkswinkel kan kliënte lope laat vervang, teleskope laat monteer, hul gewere laat opgradeer en ander herstelwerk laat doen.
