Mnr. Tommie Tangeni is een van die suksesvolle kleinboere in die Omusati-streek wat sonder die hulp van die Regering (soos in die geval van die Etunda-projek) groente plaaslik bemark. Sy groenteplaas is in die Epata-distrik geleë. Op die plaas word hoofsaaklik tamaties, uie en kool geplant en mnr. Tangeni maak gebruik van water uit die Olushandja-dam om sy groente nat te lei.
