Mnr. Gerhard Mukuahima, voorheen ‘n landbouvoorligtingsbeampte in die Ministerie van Landbou, Water en Bosbou, het hom pas by Standard Bank Namibia aangesluit waar hy voortaan boere met hul finansiële behoeftes en beplanning sal bystaan. Hy het sy B.Sc.-graad in landbou aan die Universiteit van Namibië verwerf en later ook sy meestersgraad in produksiebestuur aan die Universiteit van Pretoria voltooi. Gedurende sy tyd by die Ministerie het hy kommersiële-, kommunale- en ontluikende boere in die Oshikoto-streek met bestuur- en produksie- aspekte van boerdery bygestaan. Sy liefde vir boerdery strek terug na sy kinderjare in die Otjinene-omgewing waar sy ouers geboer het. Mnr. Mukuahima sê hy sien uit om in sy nuwe finansiële loopbaan landbouers aan ‘n veel weier front met sy kennis te bedien.
