Die 22-jarige Cindy-Lee Bornman van Otjiwarongo wat op die oomblik in Wellington onderwys studeer, het pas ingeskryf vir deelname aan die Sports Illustrated New Model-soektog. Een van die pryse is ’n fotosessie in Mauritius waarvan die foto’s gebruik gaan word vir die glanstydskrif se gesogte jaarlikse swembroek-uitgawe asook die gepaardgaande televisieprogram. Ten einde haar sukses te waarborg, het sy die stemme van haar landgenote nodig. Om vir Cindy-Lee te stem, besoek www.sinewmodelsearch.co.za en blaai deur die foto’s totdat jy op haar afkom. Stem dan “hot” of “not”. Die 15 semi-finaliste word in Mei aangekondig.
